गणतन्त्र घोषणाको प्रतीक्षामा जनसमुह

वि.सं. २०६५ जेठ १५ तदनुसार २००८ मे २८ ई.सं. मा काठमाण्डुको वीरेन्द्र अन्तर्राष्ट्रिय सम्मेलन केन्द्र वाहिर जनसमूहको व्यग्र प्रतीक्षा । गणतन्त्र घोषणाको प्रतिक्षमा म पनि त्यहिं कतै साथीहरु संग थिएँ।
यो ऐतिहासिक क्षणमा मानिसहरु नयाँ वानेश्वरको चोक वरीपरी विहानै देखी खवरदारीका साथ गणतन्त्र घोषणाको प्रतिक्षा गरिरहेका थिए,जुन विहान ११.०० वजे वस्ने संविधानसभाको पहिलो वैठकले गर्ने भनिएको थियो। लगभग १२ घण्टा पश्चात राती ११.२५ तिर घोषणा गरियो।
माथिका तस्विरहरु दिउँसो खिचिएका हुन, जतिखेर मानिसहरु तीव्र घामको परवाह नगरिकन नाचगान र रमाईलो गरि समयको पर्खाइमा थिए।